DAKINI SKY MUSIC FESTIVAL 2024 មិនត្រឹមតែជាព្រឹត្តិការណ៍តន្ត្រី និងវប្បធម៌ប៉ុណ្ណោះទេ ប៉ុន្តែវាក៏ពេលវេលាបង្ហាញពីការជួបជុំ និងស្វាគមន៍ក្នុងការត្រឡប់មកវិញរបស់ប្រជាជនកម្ពុជាជាច្រើននាក់ ដែលបាន​ភៀសខ្លួនចាកឆ្ងាយប្រទេសកំណើតជា​ច្រើនទសវត្សផងដែរ។ ព្រឹត្តិការណ៍នេះ ត្រូវបានចាត់ទុកថាជា ពិធីបុណ្យដែលបង្ហាញពីការផ្សារភ្ជាប់ទំនាក់ទំនងឡើងវិញនូវភាសាបេះដូង និងវប្បធម៌ និងរួមគ្នា​សាទរនូវមរតកកេរដំណែលដ៏អស្ចារ្យនៅក្នុងទឹកដីកំណើតនេះ។

កម្មវិធីនេះក៏ក្លាយជា វេទិកាសម្រាប់ជនភៀសខ្លួនកម្ពុជា ដើម្បីភ្ជាប់ទំនាក់ទំនងឡើងវិញជាមួយនឹងមរតកវប្បធម៌របស់ខ្លួន តាមរយៈសកម្មភាព និងព្រឹត្តិការណ៍ផ្សេងៗ។ ការសម្តែងរបាំប្រពៃណី តន្ត្រី និងសិក្ខាសាលាវប្បធម៌ ផ្តល់នូវបទពិសោធន៍ដ៏អស្ចារ្យដែលជួយអ្នកចូលរួមស្វែងយល់ឡើងវិញ និងអបអរសាទរអត្តសញ្ញាណខ្មែរ។ វត្តមានរបស់​ជន​ជាតិ​ខ្មែរ​ក្នុង​ពិធី​បុណ្យ​នេះ​គឺ​ជា​ ការ​ចូលរួមយ៉ាងសំខាន់បំផុត។

ជនរួមជាតិដែលរស់នៅក្រៅប្រទេសជាច្រើននាក់ នឹងធ្វើដំណើរត្រឡប់មកប្រទេសកម្ពុជាវិញជាបន្តបន្ទាប់ ដើម្បីចូលរួម និងគាំទ្រព្រឹត្តិការណ៍ដ៏អស្ចារ្យនេះ។ រឿងរ៉ាវរបស់ពួកគេឆ្លុះបញ្ចាំងពីភាសាបេះដូង និងវប្បធម៌ដ៏មានតម្លៃជ្រាលជ្រៅ សម្រាប់ការវិលត្រឡប់មកកាន់ស្រុកកំណើតវិញ និងរួមចំណែកយ៉ាងសំខាន់ ដល់ការរស់ឡើងវិញនៃវប្បធម៌ជាតិ។

ពិធីបុណ្យនេះដើរតួនាទីយ៉ាងសំខាន់ក្នុងការពង្រឹងចំណងវប្បធម៌ នៅក្នុងសហគមន៍ជនភៀសខ្លួន។ វានឹងក្លាយជាកន្លែងដែលអាចចែករំលែកបទពិសោធន៍ ការរៀនសូត្រ និងការកសាងទំនាក់ទំនង ជាពិសេសសម្រាប់ក្មេងជំនាន់ក្រោយ ដែលខ្លះស្ថិតនៅឆ្ងាយពីមរតកដើមរបស់ពួកគេ។ ការ​ចូលរួម​នេះ​ជំរុញ​ឱ្យ​មាន​ការយល់ដឹងចំពោះអត្តសញ្ញាណ និង​មោទកភាពជាតិ។

ជាក់ស្ដែង ភាពជោគជ័យនៃការរៀបចំពិធីបុណ្យនេះ នឹងនាំឱ្យមានការផ្លាស់ប្តូរវប្បធម៌ និងគំនិតផ្តួចផ្តើមឲ្យបាន​ច្រើនជាងមុន ដើម្បីលើកកម្ពស់ផលប្រយោជន៍រយៈពេលវែង សម្រាប់ទាំងប្រទេសកម្ពុជា និងសហគមន៍ជនភៀសខ្លួន ព្រមទាំងបង្កើនការយល់ដឹងអំពីវប្បធម៌ និងសាមគ្គីភាព។

Sabay មាន​មោទនភាព​ដែល​បាន​ក្លាយ​ជា​ដៃគូ​សហការផ្នែកផ្សព្វផ្សាយមាតិកា​ផ្លូវការ​ សម្រាប់​ព្រឹត្តិការណ៍ DAKINI SKY MUSIC FESTIVAL៕